燒肉酒場 (Closed)

我鍾意食羊，朋友鍾意食牛，於是搵咗銅鑼灣燈籠街燒肉酒場聚舊。主打成吉思汗烤肉，但牛肉嘅款式都好多，所以我同朋友可以各取所需不過食烤肉又點可以唔飲酒呢，餐廳有個推廣係自選清酒，選擇四款最抵飲，每款120 ml，價錢$280。我哋分別揀咗北秋田，太白銀虎，匠同作，有啲都係出名嘅品牌，可以用呢個價錢試哂四款，好抵飲店舖另一推介就係和牛盛盒：$480可以試到五款和牛嘅不同位置：和牛肉眼，和牛肩，和牛三角胸小排，和牛背峰，和牛西冷。淨係睇西冷同肉眼嘅Size已經值回票價。而牛味最濃嘅係和牛背峰。將牛小排點鵪鶉蛋甜豉油一齊食，就好似食緊壽喜燒咁。其他嘅和牛都係近乎入口即溶，油脂感爆燈，呢個盛盒真係好抵食。為咗減低油膩感，我哋叫咗個燒肉拍檔，分別有餡餅皮同生菜可以包住肉一齊食，再加上切絲嘅青瓜，咁樣食油膩咁就冇咁重另外我就揀咗羊頸柳同蒙古羊肉卷：淨係睇羊頸柳嘅肥瘦分布已經靚到不得了，燒到六成熟食就啱啱好，因為黐住一啲筋位，所以羊騷味特別濃，鍾意食羊嘅呢件一定喜歡羊肉卷相對就薄少少，但位置唔同口感偏腍啲，燒熟少少食都可以，選擇用餡餅皮包住食，加少少孜然粉，同羊肉好夾另外點咗店員推介，今日新鮮返貨嘅原隻