貴州遵義黔營羊肉粉 (利群大廈)

Open Now

Now Closed

最近天氣越來越熱，冇乜胃口。放工後想喺旺角搵間少人啲嘅餐廳食飯都唔容易。咁啱我地都鍾意食羊，而且男友之前都有幫襯開，於是就帶咗我去呢度食羊肉粉喇～一入到嚟就聞到好大朕羊肉同花椒嘅香味，好羊嘅人應該會覺得好好聞。我地點咗兩碗羊肉粉，小食就點咗窩筍同埋涼拌青瓜。這裡都有好多款式嘅串燒和羊雜，以供選擇，係羊肉愛好者必到嘅餐廳。喺炎熱嘅日子裡，食下辣嘢排下汗，身體都會舒暢啲。粉的質地就好似我地平時食開嘅米線，入口滑捋捋，好容易吞。啲湯好清，唔油，啱曬怕肥一族。窩筍同青瓜係涼盤，天時暑熱食就最啱喇。