Video
Read full review
2019-06-27
250 views
見網上有介紹呢間快樂小羊火鍋店，羊肉迷嘅我又點可以唔黎朝聖一下呢！佢係旺角豉油街，唔近地鐵站。午餐時間黎，熱屎辣辣行咗一大段路先到！可能冇咩人會喺午餐時間打邊爐，所以唔使等位就直入坐低左，仲要冇咩人，少啲油煙空氣清新好多！餐牌唔多影喇，因為佢係網上點單既，打開微信再掃描佢枱上面嘅barcode，就可以幫自己張枱落單喇！有埋圖好方便！其實除咗羊，仲有牛同豬，不過話明黎食羊梗係淨係叫羊食啦！先點左個湯底，辣湯拼蕃茄湯，佢有幾款湯底可以拼，雙拼都係$118。唔係講笑，個番茄湯係超超超好味，未放野落去淥我已經飲咗一碗！另外，平時出面啲邊爐店加湯，都只係落清湯，呢間加湯係原湯加落去！即係番茄湯佢會加返番茄湯俾你！好有誠意啫！勁加分！！味道keep住濃！辣湯入面好足料，辣度啱啱好，唔會辣死你！黑松露羊肉丸👇🏻好食！好香黑松露味，加埋啲羊肉，味道啱啱好，好好食！功夫青筍（一份）👇🏻蔬菜類佢有分”一份”同”半份”，好細心！呢碟青筍好新鮮好爽口好甜！仲有佢推介嘅鴨血（半份）👇🏻2個人叫半份就岩岩好！👍🏻再一次欣賞佢可以叫半份同一份！呢個好食！又係食火鍋必叫既。登凳！呢個就係羊羊大拼盤👇🏻$228。因為佢
佢係旺角豉油街，唔近地鐵站。午餐時間黎，熱屎辣辣行咗一大段路先到！可能冇咩人會喺午餐時間打邊爐，所以唔使等位就直入坐低左，仲要冇咩人，少啲油煙空氣清新好多！
餐牌唔多影喇，因為佢係網上點單既，打開微信再掃描佢枱上面嘅barcode，就可以幫自己張枱落單喇！有埋圖好方便！
其實除咗羊，仲有牛同豬，不過話明黎食羊梗係淨係叫羊食啦！
先點左個湯底，辣湯拼蕃茄湯，佢有幾款湯底可以拼，雙拼都係$118。
唔係講笑，個番茄湯係超超超好味，未放野落去淥我已經飲咗一碗！另外，平時出面啲邊爐店加湯，都只係落清湯，呢間加湯係原湯加落去！即係番茄湯佢會加返番茄湯俾你！好有誠意啫！勁加分！！味道keep住濃！
辣湯+番茄湯
$118
5 views
0 likes
0 comments
辣湯入面好足料，辣度啱啱好，唔會辣死你！
黑松露羊肉丸👇🏻好食！好香黑松露味，加埋啲羊肉，味道啱啱好，好好食！
黑松露羊肉丸
$78
11 views
0 likes
0 comments
功夫青筍（一份）👇🏻蔬菜類佢有分”一份”同”半份”，好細心！呢碟青筍好新鮮好爽口好甜！
功夫青筍（一份）
$38
27 views
0 likes
0 comments
仲有佢推介嘅鴨血（半份）👇🏻2個人叫半份就岩岩好！👍🏻再一次欣賞佢可以叫半份同一份！呢個好食！又係食火鍋必叫既。
鴨血（半份）
$31
15 views
0 likes
0 comments
登凳！呢個就係羊羊大拼盤👇🏻$228。因為佢係新鮮切出嚟，所以都等左一下先上枱。嗰啲煙霧效果真係值回票價！份量兩個人食啱啱好，又可以試匀4款羊肉！有太陽卷，大片羊，羔羊肋卷，同快樂卷！全部都好好味，最好味嘅係太陽卷，夠膻夠嫩夠滑！！好味到不得了😍😍😍！最貴係最好味嘅一定冇錯！羊肉呢家野真係要識食羊嘅人就會明我講緊咩啦！
羊羊大拼盤
$228
22 views
0 likes
0 comments
👇🏻呢個就係電話落單個介面，簡單易用又清楚！當然你唔識用服務員都好願意幫你，佢哋好有禮貌好好服務㗎。
好味到感動流涕嘅羊肉火鍋！！一定要食完再食再食再食再食再食再食！食完落樓下旁邊仲有涼茶舖，熱氣使乜驚呀！
Post
