天山小館 (Closed)

呢間新疆風味餐廳的羊肉真係無得彈，差不多乜嘢羊都比我們食晒。兩個人等一個梗係食住等，於是叫了羊肉串，$22一串，4串起。齊人開飯，第一度餸係手抓羊肉，老闆娘好好人話我地3個人叫3條唔洗一定要叫4條，羊肉好鮮味。呢個係烤羊排，老闆娘話我地都可以叫3件，點知我個friend話呢個超正，叫6件都無問題，結果真係超正，羊排肉夠鮮嫩，烤得夠晒香，結果我地臨尾仲encore多6件，3個人總共食咗12件。涼皮係老闆娘介紹嘅，幾清新。羊肉餡餅就一人一件，佢個餡撈得好味，洋蔥加上羊肉，幾惹味。我地仲試了呢兩款新疆飲品，沙蕀汁同蜜瓜汁，我地都覺得沙蕀汁好飲啲，酸酸地，老闆娘話沙蕀係沙漠中的一種植物。