佳記美食 (新安大樓)

Open Now

Now Closed

天氣又濕又凍，最好梗係食羊腩煲🐑，食幾舊個人由心底暖出黎。呢間餐廳次次經過都見好多人買兩餸飯，但原來唔止兩餸飯，羊腩煲都有得賣，價錢相宜，得兩個人食懶得炆，咁樣買返去仲平過買料+爐火！外賣羊腩煲🐑 ($108)大大盒，羊腩都有十幾舊，份量算多，加上冬菇、腐竹、馬蹄等配料，個盒差啲閂唔埋。醬汁調校得好惹味，火候十足，羊肉都好入味，唔算好膻，不過我都好鍾意食膻味重嘅羊肉。冬菇腐竹馬蹄都係炆到入味，非常好食。自己適量加入茼蒿、烏冬、丸物等配料，又可以將羊腩煲昇華，好豐富嘅一餐！超正！值得一提係西環我都試過幾間羊腩煲，暫時最啱口味係呢間！