大和豚総本店 (Closed)

揀左好耐都未諗到食咩，最後都係被門面大大隻 “美人豚骨膠原”呢幾個字吸引左。對小姐呢種女孩子黎講又係好難抗拒既。不過一坐低目標就好明確，期間限定既松葉蟹鍋！何其壯觀！實物同圖有得揮，好懷疑我地兩個女仔會唔會食得晒。跟埋既薄切豚肉，薄到透底，好厲害。一大碗晶瑩剔透既骨膠原suppose倒落去湯入面，小姐膽大就咁試，嘩係無味架，texture好似啫喱咁，不過放左落湯入面就真係杰左。好大隻蟹鉗，食到成枱都係，但肉質好鮮甜，索晒個湯。粉紅的豚肉亦很不錯，滾一滾好快就熟了，同湯底好夾。個湯最後都越煲越濃郁，滿滿既白蘿蔔蓉非常清甜，飲左一大碗。另外叫左2個平平地既小食。軟殼蟹牛油果卷＄108，普普通通不過食得出軟殼蟹係熱既即炸，所以都仲脆。豚肉沙沙 ＄68，個辣醬又幾過癮，腩片肥瘦適中，所以肉質較爽口。總括食物與素屬中上，價錢相宜，環境方面都舒適唔會好焗促，性價比不錯哦！用心經營一定會再支持！