嵐石 - 海鮮&牛扒餐廳 (Closed)

小弟入赤柱就入得多，但好少入黎食野，難得有朋友住九龍入黎一齊食野，而我先食左d野，吾係特別肚餓，所以只係叫左個 US Rib Eye 配搭薯菜同飲左杯Mango Punch，冇order到Appetizer同dessert同湯等， 吾能夠完全講得哂總體食物既味道，因為餐廳既海鮮都係招牌菜，首先order5成熟，不過上菜個陣好似4成左近，所以口感比預期有少少出入，而餐廳既定位係200到500蚊左近，屬於中價餐廳吾係高級餐廳，亦吾好期望菜式會有好大創意性，較強既口味搭配融合程度，料理細緻程度等等，始終定位上吾會做到。但其他總體黎講餐廳都做得幾好既，首先講下整體環境等因素，餐廳既位置無得彈，直接對住個卜公碼頭同大海，環境一流，坐位同枱都好闊吾會坐得逼，衛生方面亦都非常乾淨企理，而且呢間餐廳係幾有情調，非常適合情侶拍拖食飯同打卡既地點。至於服務水平，首先一入餐廳侍應都有帶位既，um...去到落餐，我order左杯Mango Punch，但好耐都未到，應該係漏左order,不過位姐姐好快就即卡補返比我，員工態度都好禮貌。最後小弟會再黎多次食其他吾同類型既食品，始終好多野仲未食過，吾能夠太早定論。