鐵飯碗

Open Now

Now Closed

估唔到灣仔皇悅酒店地下有一間深藏不露嘅中式cross over馬拉菜餐廳, 餐廳裝潢別具古典特色, 而且靜靜地座位又舒服, 岩哂想約朋友食餐飯舒舒服服傾下計聚會~先上前菜~皮蛋五香炸肉卷&娘惹海鮮小金杯&蜜汁黑豚肉叉燒✨炸肉卷嘅味道好似福建嘅炸五香卷, 外面包著腐皮再炸到表面金黃酥脆, 再包著調過味嘅豬肉, 配搭埋溏心皮蛋令豬肉香味更突出!👍🏻😊小金杯賣相好可愛😍精緻嘅小金杯內盛載著蝦、魚、松子等口感同味道都唔錯! 黑豚肉啖啖都好juicy肥瘦適中, 好中意表面燒到有陣焦香嘅炭燒香味同埋表面香甜嘅蜜糖味😋江南煎大頭蝦~呢種煮法非常有娘惹風味! 大頭蝦煎香後香氣四溢, 蝦肉新鮮彈牙, 仲有鮮到出汁嘅蝦膏! 炭烤黑毛豬肋骨~必點嘅人氣主打菜, 見到好多枱都有點! 份量超巨型夠5-6個人食, 豬肋骨炭烤到外脆肉質鮮嫩多汁, 再配上秘製酸辣汁食起黎好開胃好有馬拉風味! 餐廳仲好貼心地準備左酸酸甜甜嘅檸檬汁, 中和油膩感! 櫻花蝦啫啫雙花~櫻花蝦嘅鮮味令本身冇咩味嘅西蘭花🥦更美味, 食咁多肉一定要食番D蔬菜類中和一下! 星洲海鮮炒米~火粉加左好多唔同種類嘅材料去炒, 有叉燒、芽菜、蛋、蝦肉、洋蔥