緣味小聚 (金百利廣場) (Closed)

金百利廣場有一間我好鍾意食嘅海鮮蒸氣火鍋專門店，就係呢間緣味小聚，雖然餐廳裝修方面唔算話特別靚，但係都勝在坐得舒適，價錢優惠。厚肉龍蝦海鮮蒸氣鍋:呢個套餐有勁多新鮮嘅海鮮，包括厚肉龍蝦半隻、韓國大鮑魚、蘇格蘭蟶子王、法國精選生蠔、扎扎跳海生蝦、爽甜貝殼！超值得一讚係佢哋嘅龍蝦真係好大，雖然只有半隻，但係都夠晒食！其他嘅海鮮都一樣好新鮮。麻辣口水雞超級惹味嘅口水雞，真係做得好出色，入口雞肉完全吸收晒D辣味。麻辣貓耳朵涼拌小食嚟講，呢個都唔錯，非常之爽口。澳洲M5和牛大大片嘅和牛賣相吸引，有少少油脂，牛肉味道都好香。安格斯靚肥牛肥牛嘅雪花紋路就更加突出，入口肉味都好香濃，同樣都係咁深得我心。