泰象館

Open Now

Now Closed

昨晚食完飯到上床後個胃都唔係好舒服，今日約咗朋友食飯，我話想食酸辣，但又唔要川菜果種覇道的味道，朋友於是話不如去九龍城飲碗冬陰功，欣然前往。我不是將冬陰功當藥食，但無胃口，無精神，天陰陰、濕熱悶時，就會好自然的想來一碗冬陰功。記得許小姐還在我肚入面時，又係常常想食冬陰功。九龍城的泰象館是該區的老字號，冬陰功好飲，午餐扺食。我們叫了兩個午餐，冬陰功和椰汁雞湯各一小窩，食完出一身汗，舒服曬。🔶冬陰功（$82）冬陰功真材實料，有開邊大頭蝦、秀珍菇和各式香料等，味道濃郁，鹹鮮清甜，酸辣比例恰當，飲完只覺暖胃。🔶椰汁雞湯（$78）椰汁雞湯無冬陰功咁辣，啖啖椰香。雞肉份量超多。🔶泰式炒金邊粉（$47）🔶札肉湯金邊粉（$44）🔶飛天通菜（+$35）🔶熱菊花薑蜜（+$5）🔶泰式凍奶茶（+$0）午市套餐份量足，加錢還有通菜和特飲。通菜嫩口、爽脆、無渣，而且非常惹味。熱菊花薑蜜非常大杯，夠濃不會淡茂茂。