火鍋本色 (Closed)

雖然說冬天才是火鍋季節，但夏日炎炎，有時忽然間也想去十下十下。今日就約同一班好友去銅鑼灣 LSquare的火鍋本色。店舖在6樓，不太大，大約十零張枱。火鍋可以散叫或叫套餐。我們一行七人，六大一小，就叫了個六人餐。貪其款式多，樣樣齊。六人餐只包一個鍋底，老闆好好人，免費upgrade送我們多一個鍋底，值得畀個讚。夏天熱辣辣，實在唔想食得咁辣，叫了個冬瓜瑤柱火腿湯消消暑，另一個是蕃茄薯仔豬骨湯。兩個湯底都唔錯，我就鍾意蕃茄湯多D，好多料，酸味味好醒胃。火鍋有啲咩材料呢?  當然少不了牛肉，牛肉質量唔錯，應該是手切牛頸脊， 有雪花紋之餘又不會太肥，正合我心意。淥一片，只需數秒。嘩，入口軟滑，牛肉味香濃，好好味呀!再來是海鮮拼盤，好新鮮，D蝦腳係咁郁，鮑魚又喺度郁下郁下，仲有蟶子，蟹，同大蜆，真係好大盤呀。先淥鮑魚同蟶子，超鮮甜。再來是蟹，看似不太大隻，但原來好多膏，D膏槳住個口，好滿足!另外值得一提是醉雞件，足有半隻雞，雞肉淥得耐咗，但依舊嫩滑。其他仲有手打丸，雲吞水餃都好新鮮，手打丸鮮甜彈牙，而雲吞D蝦大大隻，爽口鮮味。原本想再散叫多一份雲吞，但仲有炸魚皮，釀油炸鬼，嚮鈴，粉絲…... 太