心夜來潮 (Closed)

今日放假去左旺角中心行街，行行下又到食晚餐了於是搵間餐廳醫肚，行出來見到旺中對面樓上有幾間餐廳，見到心夜來潮個名又好似幾特別就一試啦！醬滷六小碟有豬耳仔夠淋又爽爽地，豬大腸好淋，豆腐又夠味，豬脷有咬口，紅腸又不會太咸又幾入味，豬腩肉肥瘦均勻又好入味。心夜小炒王有銀魚乾，蝦乾，菜脯，韮菜等一起炒火氣十足又鹹香十足，蝦乾又有咬口。韮菜火爆炒手打牛肉餅，炒到好香噴噴牛肉餅牛味濃郁又彈牙，韮菜又碧綠又夠味道美味可口。