Video
Read full review
2024-08-25
2911 views
雖然不時都有嚟荔枝角一頭食嘢，但去D2 Place比較多，「億利」都好耐無嚟過。其實我都幾鍾意啲廠廈度搵食，平靚正之餘，有時又有啲驚喜。今晚就同住晌附近嘅老表嚟聚一聚，搵間平靚正嘅餐廳，搜索吓「黑布小巷」睇嚟唔錯喎，風平不俗，台灣嘢又啱我哋。推門內進，餐廳環境一眼睇晒，裝修簡單，好有廠廈嘅食堂風。雖然疫情過去，但中間一排位仍然有膠板隔住，其實我都覺得OK嘅，純粹同老表兩個，又唔會被隔離枱騷擾，又感覺衛生好多。大大本餐牌，列齊所有食物：吐司、手工滷肉飯、牛肉麵、蛋餅、自家製三色圓、養生茶飲……等等，圖文並茂，清清楚楚，而且，右上角更會標明供應時間，基本上唔會點睇錯。落單方面採用二維碼，更方便嘅喺可以即時俾埋錢，如無電子支付，食完晌櫃檯俾錢都得。此外，更有可以反映意見嘅二維碼，感覺店家都有心做好啲。見定價唔貴，就一口氣落單嗌咗吐司 、蛋餅、便當，並加配一款小食同兩杯飲品，夾夾埋埋都喺二百鬆少少。夜市蝦捲 +$28點主食有加配小食嘅優惠，就以呢個蝦卷為例，散點原價$38，依家加電就平$10，同樣一客有3條。雖然咬落唔喺脆口嗰種，裡面軟軟腍腍，又有少少彈牙感，好有蝦鮮味，沾上少少甜酸醬，幾唔錯
推門內進，餐廳環境一眼睇晒，裝修簡單，好有廠廈嘅食堂風。雖然疫情過去，但中間一排位仍然有膠板隔住，其實我都覺得OK嘅，純粹同老表兩個，又唔會被隔離枱騷擾，又感覺衛生好多。
大大本餐牌，列齊所有食物：吐司、手工滷肉飯、牛肉麵、蛋餅、自家製三色圓、養生茶飲……等等，圖文並茂，清清楚楚，而且，右上角更會標明供應時間，基本上唔會點睇錯。
落單方面採用二維碼，更方便嘅喺可以即時俾埋錢，如無電子支付，食完晌櫃檯俾錢都得。此外，更有可以反映意見嘅二維碼，感覺店家都有心做好啲。
見定價唔貴，就一口氣落單嗌咗吐司 、蛋餅、便當，並加配一款小食同兩杯飲品，夾夾埋埋都喺二百鬆少少。
夜市蝦捲 +$28點主食有加配小食嘅優惠，就以呢個蝦卷為例，散點原價$38，依家加電就平$10，同樣一客有3條。雖然咬落唔喺脆口嗰種，裡面軟軟腍腍，又有少少彈牙感，好有蝦鮮味，沾上少少甜酸醬，幾唔錯喎。
慢烤雞腿芝士蛋吐司 $56本來想試試黑松露焦糖洋蔥大啡菇蛋吐司，可惜賣晒，所以就試咗呢一款慢腿烤雞吐司，睇樣就見好足料，拿上手亦感到好重秤。一口咬落去，多士烘得脆口，裡面嘅芝士爆晒餡，加埋件煎蛋流晒蛋漿，雞腿亦都好嫩滑，而且，唔好睇少只喺一份吐司，其實甚飽肚。
慢烤雞腿芝士蛋吐司
$56
42 views
0 likes
0 comments
芝士火腿肉鬆蛋餅 $42蛋餅喺我哋想試嘅目標之一，平時晌茶記食火腿蛋就食得多，但呢個加埋芝士、肉鬆嘅蛋餅，感覺就自截然不同。先喺啲蛋餅煎得夠嫩滑，口感軟熟，入口極富蛋香，捲住溶透嘅芝士同鹹鹹哋唔喺平價貨色嘅火腿，面頭唧咗啲鹹鹹甜甜嘅醬汁，又灑滿肉鬆，食味極佳。
芝士火腿肉鬆蛋餅
$42
243 views
0 likes
0 comments
手工滷肉雞扒便當 $69怕一件吐司加一份蛋餅，兩個大男人唔夠食，就落埋個便當，實際吐司跟蛋餅都已經叫人幾飽肚吓，唔緊要，由小弟做番晚包底王。講返嗰便當
，查實都好夠份量，飯面有兩大件鹽酥雞扒，下面仲有一大堆滷肉、粟米粒、辣冬菜、椰菜、粉絲、滷蛋，所以，淨喺餸料都已經非常之豐富，整體味道確喺唔錯，雞扒炸得酥香不膩，滷肉香濃有油脂香，食埋個飯，質喺飽到頂心口。
桂花烏龍茶 +$12、自家煲製冬瓜茶 +$9飲品同樣有加配優惠，老表就揀咗個桂花烏龍茶，烏龍茶底幾清香，但桂花味比較隱若少少，而小弟嘅冬瓜茶就既清潤，又消暑，甜度啱啱好。
本來都打算食番個台式三色圓作結，不過，一來都已經好飽，二來啲甜品已經沽清，想食都無呀！雖然由店員送餐，但餐廳唔收加一，侍應妹妹都好殷勤，一個人撐晒成個場，勁呀！
Post
