福翁海鮮薈 (Closed)

突然想食海鮮餐，搵下觀塘有咩好食。見到呢間近碼頭，方便泊車。我地六點幾到，一入去，發現無乜人，心唸會唔會唔好食呢？結果係超好食，燒鵝皮脆肉滑，龍蝦彈牙新鮮，鮑魚鮮味十足，椒鹽鮮魷亦夠脆，食落覺得味道似曾相識，估計係釣魚翁集團！轉咗名之後，服務好咗，無咁串串貢！可惜嘅係, 睇openrice本來見有$468嘅2人餐，但去到發現係無嘅，所以散叫。埋單2個人約500蚊，算抵食！有2人餐嘅話會更好！埋單仲送糖水，原來仲有免費泊車兩小時，我地會再嚟嘅！