蘇潮韓海火鍋私房菜

Open Now

Now Closed

今日去咗荃灣同朋友行街，睇戲。睇完戲當然搵啲嘢食吓，朋友介紹我去大鴻輝中心打邊爐，晚上六點前結帳有半價優惠，性價比高食物質素非常好，所以喺度推介一下。蘇朝韓海火鍋私房菜，地址喺眾安街55號大鴻輝中心21樓，餐廳裝修得好整潔，地方開陽座位空間亦都好足夠，喺度食飯傾偈感覺特別舒適。金牌沙嗲湯底 88元，沙嗲味幾香，又唔會辣，打邊爐味道啱啱好。上等手切安格斯牛小排 268元，安格斯牛肉份量都好多好大碟，牛肉色澤紅潤非常新鮮，拖拖水已經可以食得，入口牛肉味好香濃，有入口即溶嘅感覺，加上脂肪比例分布均勻，牛肉味特別香，呢個牛肉真係一定要試，重點推介。招牌四式拼 108元，四隻款式嘅餃子，每一粒size都好巨大，完全做到皮薄餡靚，咁平嘅價錢已經有四款水餃，真係好抵性價比好高。手打四寶丸 88元，賣相好吸，又好睇又好味，手打牛丸，牛肉味香濃，墨魚丸爽口彈牙，芝士蝦丸鮮味十足，每一個款式都各有特色，口感一流。哈蝦油條 78元，油條吸收咗沙嗲湯底嘅味道，口感同味道層次都特別豐富，加埋啲蝦肉特別爽口彈牙。雞泡魚乾78元，最鍾意食雞泡魚干，點少少沙律醬味道又鮮甜又好味，最呃用嚟送啤酒。