張公館

Open Now

Now Closed

自從去咗澳門工作之後，我同屋企人見面嘅時間少左好多，更何況一齊食飯。今日難得放假返左香港同老豆飲茶，地點係老豆返工附近既張公館。茶壺下面有蠟燭一直坐熱，令客人可以一直飲到熱辣辣嘅茶。剛好今日落雨出面好凍，呢種體貼更令人深刻🥰一坐低就上左兩款前菜包括酸喬頭同炸魚仔。- 香茜叉燒腸腸粉非常香滑，叉燒同香茜好夾，叉燒味道香甜但有少少膩，香茜剛好可以降低叉燒既膩，而且有一種清新的感覺。- 魚湯鮮竹卷魚湯好鮮甜，而鮮竹卷完全索晒魚湯嘅精華，入面嘅鮮蝦好彈牙，再加上入面嘅蘿蔔絲同木耳絲，味道非常出色💯- 鹹水角外皮好香脆，而且比起其他茶樓食到既更加煙韌，入面餡料好豐富，整體味道微甜。- 奶皇包奶皇包一籠有三件，非常鬆軟，入面餡料微甜同時充滿奶香，可惜入面餡料唔係流心。- 蟹籽麻辣燒賣燒賣好大粒非常飽滿，麻辣味嘅燒賣真係第一次食，辣度中等，食落幾過癮。- 養眼紅棗糕口感軟糯而且唔黐牙，紅棗味好突出，味道唔太甜。無論點心同景觀都好出色，最緊要係老豆鐘意🥰