三人行燒烤專門店

Open Now

Now Closed

今日去左旺角知道有間三人行燒烤店，一於去試吓好難得有專門食串燒的燒烤店。經過門口看到有好多種唔同的串燒，價錢又適中。餐廳地方唔大，但座位舒適，燈光明亮。蒜蓉燒原條茄子，茄子上面舖滿蒜蓉又有辣粉，茄子加上蒜蓉一起食好香，茄子又夠淋。金菇肥牛卷，肥牛燒到剛剛好加上金菇更加美味。雞中翼燒到皮脆肉嫩，又有肉汁又夠入味。雞脾菇燒到夠淋，又微辣幾香口。燒日本芝士年糕，年糕煙煙韌韌，芝士味香濃。芝士雞肉墨西哥薄餅，薄餅好鬆脆內里有雞肉，紅椒，青椒，仲有好多芝士，一咬落口有拉絲的感覺，滿口芝士香濃炸鰻頭細細個炸到好香口，鰻頭好軟熟，沾上煉奶更加美味可口。台灣腸甜甜地又啖啖肉汁，燒到外皮好脆。泰國蘆筍，蘆筍好爽脆。炸豆腐外層好鬆脆內里軟熟好入味。煙肉燒蠔，蠔大大隻又鮮甜又超多煙肉粒。白汁芝士燒蠔，超多芝士舖上蠔上面美味可口。芝士煙肉大啡菇，大啡菇開被香濃芝士蓋上，大啡菇好爽又香。