Video
Read full review
2018-01-10
143 views
每到星期一就覺得難捱，所以星期一叫做 blue Monday 的確無錯，加上家姐難得唔洗加班早收，今日特意同家姐二人行一齊出去食飯，去左位於黃埔九號水產入面嘅日本餐廳食日式定食同日式西餐可能今日係星期一，餐廳唔算多人，所以一入座就有枱，地方闊落簡潔，我地二人行一人叫一個套餐，大家唔洗爭每個套餐都跟每日是日紅茶一杯，今日係熱草莓味紅茶，紅茶係用茶包沖成，草莓味道好香濃，離遠未飲都已經聞到，入落以為會有強烈酸味，估唔到味道清香，酸味比例好少，飲落好舒服，剛好依幾日天氣咁凍飲啱哂咖哩炸豬扒飯豬扒外層炸得好香脆，唔會太厚粉，咬落有咔啦聲，肉質仍有少少肉汁，口感幾軟熟，日式咖哩汁濃郁得黎帶少許微酸同微辣，汁中夾雜蘑菇片，拌匀飯一口食味道好開胃，本身我都愛食辣，如果辣味可以加強相信更出色純日本白燒鰻魚定食依個定食除左主角白鰻魚同飯之外，仲有海藻烏冬、胡麻汁沙律同甜品小蛋卷，依個定食嘅白鰻魚同平時食到嘅汁燒鰻魚唔一樣，白鰻魚直接網燒，完全無預先搽醬汁燒，食落好香口，魚肉肥美且魚味濃，完全無腥味，而碟邊有包生椒粉，可以淨食鰻魚或沾粉食，另外亦附跟Wasabi醬油、海鹽同柚子汁，有多款醬鹽可以沾住食，每
可能今日係星期一，餐廳唔算多人，所以一入座就有枱，地方闊落簡潔，我地二人行一人叫一個套餐，大家唔洗爭
每個套餐都跟每日是日紅茶一杯，今日係熱草莓味紅茶，紅茶係用茶包沖成，草莓味道好香濃，離遠未飲都已經聞到，入落以為會有強烈酸味，估唔到味道清香，酸味比例好少，飲落好舒服，剛好依幾日天氣咁凍飲啱哂
咖哩炸豬扒飯
豬扒外層炸得好香脆，唔會太厚粉，咬落有咔啦聲，肉質仍有少少肉汁，口感幾軟熟，日式咖哩汁濃郁得黎帶少許微酸同微辣，汁中夾雜蘑菇片，拌匀飯一口食味道好開胃，本身我都愛食辣，如果辣味可以加強相信更出色
純日本白燒鰻魚定食
依個定食除左主角白鰻魚同飯之外，仲有海藻烏冬、胡麻汁沙律同甜品小蛋卷，
依個定食嘅白鰻魚同平時食到嘅汁燒鰻魚唔一樣，白鰻魚直接網燒，完全無預先搽醬汁燒，食落好香口，魚肉肥美且魚味濃，完全無腥味，而碟邊有包生椒粉，可以淨食鰻魚或沾粉食，另外亦附跟Wasabi醬油、海鹽同柚子汁，有多款醬鹽可以沾住食，每款味道我都鍾意，配飯一齊食完全唔會悶
海藻烏冬份量等於一碗飯份量，食落有d似喬麥麵，但質感依然同平時食嘅烏冬一樣軟滑順口，配左香濃清湯，味道唔錯喔
食完正餐終於到甜品，定食套餐有包一件小抹茶蛋卷，但因為想食另一個口味，所以轉了香草味蛋卷，蛋卷用左日本福岡雞蛋同北海道牛奶整成，入口又軟又綿，忌廉食落香滑又唔膩，好似雪糕口感咁，好好味，超滿足啊！
Post
