老掌櫃東北菜館 (Moved) New Location

放假唔知有咩好做? 一行出街又熱到郁都唔想郁, 不如搵個好地方同朋友食下野仲實際! 豆釘最近發現大角咀開張不久的老掌櫃東北菜館,決定跟朋友一起試試!星期六七點多到達, 門口有少少人龍在等候, 幸好豆釘一早已訂枱, 不用慢慢等位。松鼠魚賣相吸引, 汁酸酸甜甜，十分醒胃的一道菜!酸辣土豆絲友人略嫌不夠酸，但豆釘覺得味道剛剛好，土豆絲很爽口，少少酸酸辣辣，作為前菜，絕對能引起食慾!干煸四季豆四季豆炒得好爽好香口, 肉碎又惹味, 豆釘覺得好好食!肉三鮮水餃賣相一般, 但味道的確不錯! 皮薄餡靚, 份量十足!片皮鴨真係好好味!皮脆肉嫩，極度推介!水煮牛肉如果不能吃辣的朋友，就不要點這個水煮牛肉! 雖然色，香，味俱全，但真的很辣，特別食到最底的菜和粉絲，完全吸收了辣汁，真的會辣到噴煙!拔絲蘋果之前見網上有人極度推介這個拔絲蘋果，可是豆釘同友人都覺得一般, 拔絲地瓜的味道應該比蘋果夾一些!總的來說, 食物碟碟都大件夾抵食,食咁多野,每人先百一蚊, 真係算平,靚,正! 值的一提的是侍應服務很好, 招呼周到, 老闆亦很好人, 會同食客聊聊天, 很有人情味的食店!