Parkview (新都會廣場) (Closed)

今日去咗葵芳附近行下♥一個人行到攰想搵地方坐食下嘢，葵涌廣場平日都人頭湧湧，本身想食米線但係超多日冇位。於是就行咗去新都會廣場。記得曾經去過地下嘅parkview by a1 bakery，食過晚餐。水準都唔錯，下午茶時段parkview by a1 bakery唔算太多人仲搵到位，又未試過佢哋嘅下午茶決定喺度食♥今次叫咗蘑菇雞肉墨西哥烤餅拼沙律，原本睇圖片以為係輕食類。點知上臺原來都幾大份♥墨西哥烤餅脆卜卜，入面有滿滿嘅雞肉同蘑菇餡料，最驚喜係個特色醬汁♥味道濃厚帶酸甜，令人十分開胃♥本身以為食唔曬要打包，結果全部都清曬♥下次再試下佢哋其他下午茶♥