凱泰船屋 (Closed)

今晚一家三口首次幫襯，叫左雞翼船麵，海南雞飯，6串串燒。海南雞飯好好味，算飽肚抵食，眼見都多人買外賣。船麵就只有2隻細雞翼，細碗左D，唔夠飽。如果好似出面D泰國舖加2舊白蘿蔔，我諗會更加吸引和飽肚D。阿囝食串燒食到嘴舐舐，話下次要再黎食過。忙住食都唔記得影低最好味既海南雞飯。3個人食左$206 ，唔算好平又唔算好貴，但勝在是本區未有既食店。所以唔能夠同隔離眾多小店賣既野又平又飽肚相比。