Nafafa Thai Cuisine & Lounge (Closed)

好多時相約朋友食飯，都會選擇就腳的銅鑼灣，今次我哋決定食泰菜。餐廳位於開平道一座商業大廈樓上，出咗地鐵站大約行8分鐘。餐廳佈置優雅，不像一般泰國的餐廳，fusion感覺。打開餐牌，有套餐可供選擇！我哋一行三人，選擇散叫未上餐點前，餐廳送上免費小食，香茅豬肉放在菠蘿塊上，口感清新。海鮮拼盤材料豐富一：炸蝦餅、魷魚圈、牛肉沙嗲串、炸雞丸等，附上三款美味醬料，各有鮮味特色。咖喱羊扒上枱，咖喱汁充滿椰香，跟蒜蓉包和椰汁香飯很配合。海鮮炒河粉，材料新鮮，蝦球彈牙，青口充滿鮮味，河粉盡索海鮮汁液，食到停唔到口。甜品芒果椰汁糯米飯，擺設造型太美麗，芒果香甜，椰汁糯米香滑軟糯，不能錯過。眼闊肚窄，飽到不得了！整體用餐經驗愉快，食物擺設賞心悅目，侍應有禮，食飯傾偈好地方。