王牌冰室 (南豐紗廠) (Closed)

趁假日去南豐紗廠逛一逛，南豐紗廠內有好多食肆可以選擇，睇過好幾間之後，俾依間加入中式茶嘅飲品吸引到，所以就算排隊都決定試一試。套餐選擇多，以中式炒粉麵飯為主。炒麵同汁分開碟上，炒麵炸得通透，每個都非常香脆。汁有冬菇、韮黃及肉絲味道不錯。叉燒偏瘦，牛乳炒蛋嫩滑，加上少許蔥花夠香口。炒得均勻每條河粉都掛上瑞士汁，河粉煙韌唔會糊口。瑞士汁濃，雞全翼嫩滑夠入味。飲品款式創新，以中式茶為主，仲有養生系列。（左）東方美人茶味香濃，奶味夠，半糖甜度剛剛好。（右）觀音茶味濃，無糖都唔會苦澀，桂花珍珠口感煙韌外帶有啖啖桂花清香。觀音茶味濃，冰燉雙柚甜度適中。