盛八食堂 (Closed)

每次去日本都會食蛋包飯，今次朋友話想食咁就去試下盛八食堂啦~好多朋友都話盛八好味聽咗咁多次係時侯去食下啦!! 可能我地早去所以唔洗等位可以直入。Menu入面有好多種蛋包飯嘅選擇，真係唔知叫咩好最後叫咗個HAYASHI牛肉滑蛋包飯同關西大阪燒蛋包飯。HAYASHI牛肉滑蛋包飯，滑蛋夠滑，牛肉煮得好淋又入味，食落口味道濃郁關西大阪燒蛋包飯，蛋夠滑，蛋包飯上面鋪滿柴魚，飯加入咗番茄汁一齊煮，食落有甜甜既味道，再同沙律醬和大板燒醬一齊食味道一流。