佳芳廚房 (Moved) New Location

朋友推介去深水埗的“佳芳廚房”吃餃子。因為深水埗有好多出名美食在褔榮街，此店座落於汝州街，隔離係樹記腐竹，好易搵到。想不到此店有意外驚喜，芫茜煎餃好味，份量足兼無味精。還點了一客南乳豬手，炆得好冧和入味。朋友點了一份雲耳馬蹄蒸餃，老闆娘送老火湯。 湯底係用豬骨和老雞乸加五指毛桃煲上數小時，非常鮮味。老闆娘強調全無味精，大家食得安心。御五品粥 (逢星期五/六先有）用近四小時及13道工序熬製而成，味道生津回甘，冇任何味精添加。材料有:新鮮豬骨，梅頭肉，蚝豉，皮蛋，咸蛋…功效: 捱夜引致的虛火上升，清熱排毒。大家一定要試這款粥，非常好味。