炑八韓烤 (偉華中心)

Open Now

Now Closed

炑八韓烤 (偉華中心)地址: 沙田沙田正街11-17號偉華中心2樓8C號舖今日同朋友去咗沙田炑八韓烤食晚餐，呢度肉類選擇繁多，而且有好多唔同嘅前菜可以選擇，燒烤爐邊有粟米芝士同埋泡菜蛋都可以任添！炑八厚切五花腩餐廳會幫手將好大條嘅五花腩分𠝹開，令到客人更加容易去燒，非常貼心。燒完之後嘅五花腩油脂非常充足，入口即溶，配上餐廳嘅醬汁味道更加昇華。除咗肉類，盤上面仲有冬菇、南瓜同埋薯仔可以一齊燒，可以清新口腔。-蔥蒜牛五花牛五花上面鋪滿大量嘅蔥同蒜蓉，外面有一層醬汁。燒完之後蒜香十足，再加上甜味嘅醬汁完全融入咗喺牛入邊，配搭非常好。牛肉本身肉質軟霖，充滿肉汁，每一啖都好滿足。-韓式紅蝦蝦好大隻，而且肉質好新鮮好彈牙。蝦頭亦都有好多好濃郁嘅蝦膏。-大八爪魚八爪魚有醬汁醃住，醬汁味道好好亦都唔會蓋蓋八爪魚原本嘅鮮味。肉質都彈牙仲有好多汁，一咬就爆開。-泡菜煎餅煎餅煎得好香脆，而且泡菜味濃郁。點上醬汁味道更加好，好香口。-韓國水冷麵水冷面好大碗同埋溫度保持得好好，入邊有唔同嘅配料，例如蛋、白蘿蔔、雪梨同青瓜。麵條質地好特別，係比較煙韌嘅。麵嘅味道好清新，個湯有少少酸酸地嘅味道，可以再點芥末醬，有一