SO TAM (Closed)

今日約了靚太食lunch, 我地都想食越南嘢，同事介紹了So Tam, 新餐廳一試無妨。餐廳面積頗大，開揚舒適，坐位闊落，乾淨又整齊。Lunch Set共有十二款選擇，價錢由$68至$98不等，加$20還可升級豪華套餐(配特式飲品，精美小食，開胃沙律和甜點)，咁抵緊係要upgrade啦。鮮茄濃湯蟹檬$88(+$20升級為豪華套餐)沙律: 青木瓜沙律酸酸甜甜的，非常開胃。小食： 越南蒸粉包~粉皮薄嫩，餡料豐富，清爽而不腻。湯檬配料非常豐富，有豆卜，蟹肉，豬肉豆腐，豬紅，鮮茄，洋葱等。蕃茄湯底味道非常濃郁，酸甜度適中，檬粉索滿湯汁也很美味，我很喜歡。飲品：龍眼熱飲~充滿龍眼的清甜味，好舒服。甜品：椰汁膏~椰汁味香濃，口感軟糯嫩滑，正!無骨海南雞飯$98(+$20升級為豪華套餐) ~已去骨的海南雞肉質鲜嫩濕潤，份量也不少，有雞脾和雞翼，配薑黃碎米飯和雞湯非常美味。飲品： 越南滴漏咖啡~口感順滑，咖啡味道香濃，不錯。