人和月雞煲火鍋店 (Closed)

冇晚市堂食，但係又想夜晚打邊爐，又唔想去街市同人迫.... 見到呢間係TST既人和月有雞煲外賣，$498 就有雞同埋好多其他火鍋配料，都真係幾抵，重點係唔駛去街市同人迫，同埋唔駛自己洗D料都真係慳番哂D時間！$498 都真係幾抵～餐廳會將所有配料pack 好哂，同埋會提供兩個爐，好似平時係快餐店打邊爐D爐咁，都幾方便，同埋兩個爐都夠哂成餐飯用！講番個外賣2人餐先，有差唔多一隻雞，豬、牛、皮蛋貢丸、芋泥包心丸、蒿荀、響鈴、蟹柳、雞脾菇、野飲就有兩枝，分別係洛神花同桂花烏龍冷泡茶～其實$498 呢個份量真係超值，所有野都已經係搞掂哂，番到屋企鋪好枱布，擺好個陣已經食得，而個爐都好快滾，食完D雞再加餐廳俾既湯已經可以打邊爐，真係超方便！雞既味道都好好食，勁惹味，其他配料都好新鮮，食落真係覺得好開心，係屋企打仲方便！又唔駛同人迫！