MOS Burger (Closed)

呢一日放左學之後，走左過黎呢度食野。本來想食三週年漢堡，但一早賣哂。所以就食呢個，因為味道都唔錯架。黑醋雞漢堡個份量好似小左，不過味道依然唔錯。我好鍾意個醋酸酸地好開胃，個雞扒都唔錯，肉質唔會鞋口。已經算唔錯啦。薯條係粗切薯條，薯味好夠。除左加茄汁之外，仲可以加辣椒醬。係好惹味架，不過要加兩蚊。凍綠茶鮮奶雖然要加五蚊，不過都好值。綠茶味好夠，之間仲有陣奶味。味道好清新。但而家為左保持個質素，無得叫小冰、小奶等既要求。因為咁會影響個飲品既味道。唔算太貴既一餐，呢間又坐得算舒服，黎得過既。