XOXO Café Lab (Closed)

朋友之前黎食過，極力推介要帶我黎試。之前都去過九龍灣店，我就覺得麻麻地，份量又少，唔知呢間係唔係一樣?!雖然話呢間係台式餐廳，佢o既餐牌幾 fusion ，乜都有。餐廳剛好有個1週年午餐精選優惠，都算幾抵食。朋友就揀左牛肝菌汁牛柳粒牛乳蛋包飯，我就揀左日式咖喱汁吉列豬排牛乳蛋包飯。日式咖喱汁吉列豬排牛乳蛋包飯:蛋包飯其實只係一大片炒蛋舖係飯面而已，絶對唔係包住，蛋好滑。日式咖喱汁唔辣，甜甜地，下飯唔錯，豬排醃味唔夠，只靠日式咖喱汁吊味。吉列豬排炸得鬆脆，但唔夠熱，豬排已切成細塊，較易入口。最驚喜係配埋沙律，唔係沙律菜，係落埋沙拉汁，食落好fresh，好特別，食吉列豬排都冇咁熱氣。牛肝菌汁牛柳粒牛乳蛋包飯:蛋包飯算ok，蛋好滑，牛柳粒就有啲韌同硬，份量算ok，牛肝菌汁就似平時啲燒汁咁，食唔到菇味。配埋雜菜沙律，好豐富，夠健康，唔會只得啖啖牛柳粒。其中一個餐要左升級優惠，即加 $5有是日餐湯同蒜蓉包，飯已食完都未黎。曾經都叫過侍應，不過叫極冇反應，又係我睇你唔到。最後都費時摧，總之埋單時講明冇黎就算。