Video
Read full review
2022-11-23
397 views
話說喺Openrice上其他食客對呢間餐廳嘅評語係「串」「唔準時開門」，為咗試一試我選擇食Tea 3、4點時間去食，時間剛剛好。環境☑️☑️☑️☑️多次經過Lady Gourmand 門口，都已經覺得好特別，好似美國鄉郊食店咁，門外嘅坐位可以坐，冬天坐外面打卡一流。室內嘅環境就有D似美國嘅鄉村酒吧，放咗部打碟機喺近門口位置。同時，店主應該係貓奴，所以好多擺設、掛畫都同貓有關。味道☑️☑️☑️☑️☑️食物就叫咗個邋遢漢堡配咖啡天堂、深海奇緣配菠蘿椰子奶昔。前者邋遢漢堡肉汁多、好夠辣，其實好好味！而後面嘅咖啡天堂係一杯沙冰，咖啡味極濃，好似成兜咖啡炒啪入口咁濃，但都係好好味。至於深海奇緣即係Fish & Chips嘅進化版，多咗炸蠔、炸蝦、芝士條等，都香口好味，炸魚都有魚味（嗱！講真唔係個個Fish & Chips都有魚味架！)所以食品都幾高分。性價比☑️☑️☑️☑️兩個Dish兩杯飲品，盛惠$313，除開每人$156左右，食Burger嚟講唔算平，差唔多質素嘅平少少、$120-130都有。不過加埋環境擺設，同埋貓奴加分位，都值得大家去食，記得大家唔好咁早去就得！
環境☑️☑️☑️☑️
多次經過Lady Gourmand 門口，都已經覺得好特別，好似美國鄉郊食店咁，門外嘅坐位可以坐，冬天坐外面打卡一流。室內嘅環境就有D似美國嘅鄉村酒吧，放咗部打碟機喺近門口位置。同時，店主應該係貓奴，所以好多擺設、掛畫都同貓有關。
味道☑️☑️☑️☑️☑️
食物就叫咗個邋遢漢堡配咖啡天堂、深海奇緣配菠蘿椰子奶昔。前者邋遢漢堡肉汁多、好夠辣，其實好好味！而後面嘅咖啡天堂係一杯沙冰，咖啡味極濃，好似成兜咖啡炒啪入口咁濃，但都係好好味。至於深海奇緣即係Fish & Chips嘅進化版，多咗炸蠔、炸蝦、芝士條等，都香口好味，炸魚都有魚味（嗱！講真唔係個個Fish & Chips都有魚味架！)所以食品都幾高分。
性價比☑️☑️☑️☑️
兩個Dish兩杯飲品，盛惠$313，除開每人$156左右，食Burger嚟講唔算平，差唔多質素嘅平少少、$120-130都有。不過加埋環境擺設，同埋貓奴加分位，都值得大家去食，記得大家唔好咁早去就得！
邋遢漢堡
$98
58 views
0 likes
0 comments
咖啡天堂
$50
14 views
0 likes
0 comments
深海奇緣
$98
21 views
0 likes
0 comments
菠蘿椰子奶昔
$55
10 views
0 likes
0 comments
Post
