八號草 (Closed)

朋友有養狗，講開原來美孚開咗香港首間滾球主題餐廳，入面設有寵物友善專區，可以帶埋寵物一齊入去食嘢，餐廳提供寵物下午茶套餐，亦有賣寵物食品同用品。另外餐廳仲設有飛鏢機，可以邊飲邊食邊掟鏢。今日下午茶時間就去咗探路。三式炸物Combo Set $178下午茶時段供應嘅呢款炸物Combo Set都幾抵食，除咗有烤蠔、炸芝士同炸雞塊3款炸物，仲跟兩枝IPA手工啤。不過因為我哋想有多一款口味，其中一枝就要咗紅桑子白啤。先講炸物，最有驚喜係炸芝士，外皮炸得香脆，軟心芝士芝味香濃，點埋泰式甜酸醬更加係別有一番風味。Groose Island IPA，酒精濃度5.9%，係美國芝加哥手工啤，麥味香濃仲帶有啤酒花同柑橘香味。至於Hoegaarden Rosee，酒精濃度只有3%，甜甜哋一d都唔苦，岩哂女仔飲，入口有清新嘅紅桑子味仲帶少少花香。黑椒汁豬寸骨$78豬脾肉嫩，食落啖啖肉，點埋個黑椒汁食都幾惹味。扒火腿芝士竹炭包$128竹炭多士夾住火腿同滿滿嘅芝士，面頭仲鋪咗隻太陽蛋。蛋漿加埋鹹香火腿芝士，同多士簡直係prefect match。。。八號草 (美孚)美孚百老匯街77號美孚新邨四期商場保齡中心1樓。