八號草 (Closed)

美孚以前嘅保齡球場原來而家轉咗做草地滾球場，旁邊仲開咗餐廳，座位都幾闊落。晚市套餐二百幾蚊，有沙律、有湯、餐包、主菜、飲品、甜品，性價比都OK。沙律可以揀Parma ham或者煙三文魚，我哋要咗Parma Ham，份量都幾多，而且沙律菜好新鮮，配上沙律醬汁好開胃。餐湯揀咗雜菜湯，蔬菜多，幾足料。主菜要咗燒春雞同埋豬鞍。燒春雞整得好食，醃得入味，燒完嫩滑多汁，好食！豬鞍扒夠厚身，食落口感唔錯！之後甜品我哋揀咗tiramisu 同埋 自家製雪糕芝士餅，兩個都幾好食；再飲埋杯咖啡，為呢個晚餐畫上圓滿嘅句號。