堅離地 7 PO (Closed)

呢間餐廳真係好靚，中東Style，由餐廳佈置、餐具到食物都係美學結晶，好有Feel。就是普普通通的一塊枱墊、一隻水杯，一隻放水杯的碟，都美輪美奐，非常精緻。食物方面，點了雜菜燴羊配中東米，其實佢可以配中東皮塔餅的，不過我最後選了中東米。中東米身形偏瘦長，個樣同印度米差唔多。個燴羊做得好好食，好多印度式中東式嘅香料，唔知個廚師係唔係中東或者印度人呢？因為個雜菜燴羊味道比較濃，所以想飲啤酒，佢地有隻德國的手工啤，係有機小麥造嘅，所以專登叫黎試下。味道清爽，幾易入口幾好飲，有機啤酒印象中好似都係第一次飲。擺喺棧中東Feel馬賽克燈旁邊非常襯。