Video
Read full review
2014-04-14
2371 views
尋日係我朋友生日，之前嚟過呢間餐廳覺得食物同環境都唔錯，加上上次大廚留咗contact話可以為客人設計定餐單，所以就打算嚟呢度為朋友搞生日飯，又可以一試呢間餐廳嘅私人餐單會唔會有特別驚喜。之後餐廳幫我地安排咗個7道菜嘅生日飯，過程中亦好細心問我地有無對某啲食物有敏感或對邊類食物有興趣，最後報完價錢同餐單後都感覺幾好就決定咗上嚟呢個伊甸園啦。坐低後侍應遞上今晚我地餐單嘅iPad，大概介紹每款菜式同埋問我地需唔需要酒，最後揀咗餐廳介紹嘅波爾多紅酒。其實侍應亦有講過支酒嘅味道同變化係點，不過我地已經唔記得哂，但都幾好飲，又唔算貴，呢個價錢响好多餐廳通常都麻麻地，我覺得呢處都算"有良心"首先有餐包，同一兜仔嘅蕃茄粒，唔太酸唔太咸，配蒜茸包一齊食好好味。之後就係我最鍾意嘅慢煮三文魚，周邊配菜同之前食過有唔同，事後大廚解釋話佢每道菜其實無特定嘅配菜，視乎當日材料而定，仲好風趣咁話"碟碟一樣樣，你地唔厭我都悶啦"。不過主角三文魚依然咁滑，今次仲有啲三文魚籽，整體感覺好好。第二道前菜係蟹肉，好creamy同好重蟹香，酥皮都好鬆脆。不過無乜配菜，單調少少。餐湯有3款俾我地揀，我地都要咗龍蝦湯，幾好飲，唔
之後餐廳幫我地安排咗個7道菜嘅生日飯，過程中亦好細心問我地有無對某啲食物有敏感或對邊類食物有興趣，最後報完價錢同餐單後都感覺幾好就決定咗上嚟呢個伊甸園啦。
坐低後侍應遞上今晚我地餐單嘅iPad，大概介紹每款菜式同埋問我地需唔需要酒，最後揀咗餐廳介紹嘅波爾多紅酒。其實侍應亦有講過支酒嘅味道同變化係點，不過我地已經唔記得哂，但都幾好飲，又唔算貴，呢個價錢响好多餐廳通常都麻麻地，我覺得呢處都算"有良心"
首先有餐包，同一兜仔嘅蕃茄粒，唔太酸唔太咸，配蒜茸包一齊食好好味。
之後就係我最鍾意嘅慢煮三文魚，周邊配菜同之前食過有唔同，事後大廚解釋話佢每道菜其實無特定嘅配菜，視乎當日材料而定，仲好風趣咁話"碟碟一樣樣，你地唔厭我都悶啦"。不過主角三文魚依然咁滑，今次仲有啲三文魚籽，整體感覺好好。
第二道前菜係蟹肉，好creamy同好重蟹香，酥皮都好鬆脆。不過無乜配菜，單調少少。
餐湯有3款俾我地揀，我地都要咗龍蝦湯，幾好飲，唔會太咸。主菜我揀要牛肉，朋友就想黑毛豬排。慢煮牛柳肉味好濃，好多肉汁，配紅酒一流！配菜三角形嘅薯餅都好香好好味。
我亦偷食咗一件黑毛豬排，肉質嫩，有豬油香，配菜有啲蘋果粒，一齊食感覺都幾好，無咁肥膩。
最後甜品我地都揀咗朱古力芭菲，唔太甜而且朱古力味濃，廚師好有心思用朱古力寫字仲插埋蠟燭，birthday girl好開心呢！(仲慳番個生日蛋糕添呀haha)
Other Info. :
有心思的小店，不論服務員、廚師亦相當友善，食品質素高，支持！
(The above review is the personal opinion of a user which does not represent OpenRice's point of view.)
Post
