美盛匯 (Closed)

今日行過灣仔去會展既天橋，望到係橋邊有一間樓上餐廳有好多💡霓虹燈寫住食物名； 玻璃仲寫住「任食自助餐」，即刻俾佢吸引左上去食。餐廳提供既菜式定期會轉，今期款式有：❣️前菜、小食：紫菜瘦肉湯、涼拌青瓜雲耳、燒賣、饅頭花卷、粟米蕃薯❣️主菜吉列豬扒、黃油雞、菜心、勝瓜雲耳、肉碎炒四季豆、蓮藕炆腩肉、西芹兩色椒炒雞粒、咖哩炆肉、炒飯❣️粉麵檔：重慶小麵、酸辣粉、清湯水餃、清湯牛腩麵❣️飲品、水果凍豆漿、西瓜哈密瓜就咁數都成十幾廿樣款式，岩晒唔同人既口味。食物係放係餐廳中間既長枱長期座熱；自己想食幾多夾落盤子。盤子碟好型，有好多格俾你放多款食物，咁就唔怕食物既汁同味道互相混合影響味道。餐廳有心思，盤子花紋精緻，而且湯碗同杯都係用同一系列既款，非常講究。粉麵檔長期有位姐姐預備幫你煮麵，我最鍾意係清湯牛腩麵，食左兩碗，無論選竹升麵定上海麵都一樣咁好食，主要係湯式清而夠味。而牛腩係炆到入味同超冧身，外面有層透明既衣，口感超正。熟食中我最鍾意個紫菜湯，又足料又甜甜地，感覺到無味精唔渴，有家的味道所以飲左兩碗。另外吉列豬扒都炸到好脆身，一咬就咬得開，用嚟配鹹香既炒飯口感一流🍚。