友情歲月古惑仔漫畫主題冰室 (Closed)

之前去過一啲漫畫作品嘅主題餐廳，雖然食物飲品外表可愛趣緻，但質素一般，感覺只靠賣相唔著重食物質素～今次我哋去咗友情歲月古惑仔漫畫主題冰室，喺尖沙咀厚福街，一入去已經見到五大主角嘅畫，周圍都係漫畫佈置。最特別係兩間VIP房，可以控制將透明玻璃變磨砂玻璃，增加私密感；另一間就牆身大大個「義」字，好有江湖味道，好似龍頭大哥同幹部開緊會咁，幾有氣勢，打卡影相一流～除咗環境，菜名都加入咗古惑仔角色名稱，例如【陳浩南乳炸雞翼】、【啫啫山雞煲】；Cocktail亦都以【細細粒泡泡】、【十三妹】等經典角色命名。Cocktail做緊買一送一，再想喪飲可以$298任飲任何飲品兩粒鐘。來忘掉錯對，來全力喝醉🎶【南哥必食（套餐）】【龍頭湯】個名好有氣勢，其實就係龍蝦忌廉湯～味道幾濃郁仲有新鮮嘅真龍蝦肉～【芝士焗金牌咕咕仔】係大啡菇，配料都幾豐富。有脆肉瓜、洋蔥、露荀、蘑菇、冬菇、芝士、番茄仔，配番茄蓉同青醬等醬汁。全部蔬菜瓜類菇類好健康～主食可以揀豬鞍或雜扒，我哋每人叫一款～【老牛鋸豬兜】係森巴保濕豬鞍，豬鞍厚切，口感軟腍仲好juicy，最正係配一條鮮菠蘿，切落去啲菠蘿汁湧出嚟，配豬鞍一鹹一甜，又幫助消化～V