616牛肉火鍋專門店 (馬鞍山中心)

Open Now

Now Closed

今日臨時決定同兩個朋友去食晚飯👭。在馬鞍山次次都諗唔到食咩，但記得有朋友曾經講過616牛肉火鍋專門店食火鍋好食，一於去試下。好彩我地約得早，可以就禁WALKIN，如果唔係我相信都要排隊，因為食完7點幾已經見到出面排哂隊，好彩。食火鍋當然要點麻辣，又想試埋佢晚牛骨鍋。所以點左麻辣牛骨兩款鍋🥘。材料叫左蜂巢豆腐、手打蝦滑、烏冬、響鈴、雙拼牛肉餃菜和三款唔同既肉（包括：安格斯橫隔肌、美國天然肩胛翼板、牛側胸）。當然梗係唔少得啤啤啤佢🍻湯底方面：麻辣湯辣味適中，岩哂我地三個愛食辣既人，愈食愈惹味。牛骨湯的肉好淋，湯底甜。材料方面：新鮮，好食。我個人最鍾意食佢既安格斯橫隔肌、雙拼牛肉餃和蜂巢豆腐。配埋佢既招牌牛肉汁，簡直一流。但其實佢既湯底已經好夠味，根本可以唔洗點牛肉汁。滿足，下次黎馬鞍山我一定第一時間諗起616牛肉火鍋專門店食😋😋😋。