Video
Read full review
2017-06-30
396 views
因為未黎過呢間分店，所以專程揀呢間而放棄新港中心分店。但結論係點心質素稍遜，普遍都唔夠熱。前菜：涼拌黑木耳（$48）落單後一兩分鐘已到。酸酸甜甜嘅開胃菜一碟，有加左杞子、薑絲同百合增強咬口。點心：菜肉紅油抄手（$58/約6粒）嘩，呢個點心係同黑木耳同步上菜咁滯。速度之快令我驚訝，咬一口，果然係微暖，似預先整好，雖然個辣汁好好味，香辣兼備。小籠包（$60/6個）呢個落單後5分鐘已送到，皮薄餡靚，有湯汁，但同紅油抄手一樣，唔夠熱呢！蒜蓉油麥菜（$63）呢個要讚，因為夠熱！炸排骨湯麵（$65）2人食，每人分到一碗，湯麵個麵質還可，唔會太淋；炸豬扒就OK啦。茶水每位$9，限用餐時間90分鐘，我覺得呢間分店麻麻地，下次都係去返新港店算。
但結論係點心質素稍遜，普遍都唔夠熱。
前菜：涼拌黑木耳（$48）
落單後一兩分鐘已到。酸酸甜甜嘅開胃菜一碟，有加左杞子、薑絲同百合增強咬口。
點心：
菜肉紅油抄手（$58/約6粒）
嘩，呢個點心係同黑木耳同步上菜咁滯。速度之快令我驚訝，咬一口，果然係微暖，似預先整好，雖然個辣汁好好味，香辣兼備。
小籠包（$60/6個）
呢個落單後5分鐘已送到，皮薄餡靚，有湯汁，但同紅油抄手一樣，唔夠熱呢！
蒜蓉油麥菜（$63）
呢個要讚，因為夠熱！
炸排骨湯麵（$65）
2人食，每人分到一碗，湯麵個麵質還可，唔會太淋；炸豬扒就OK啦。
茶水每位$9，限用餐時間90分鐘，我覺得呢間分店麻麻地，下次都係去返新港店算。
Post
