翰林茶館 (Closed)

繼之前吃過寬巷子之後，似乎海港城不斷有新品牌新搞作。 在港威商場，我看到了翰林茶館的新店，眼發了光。 又係另一個海港城最新台灣品牌，和L先生行過，準備Happy hour 前吃點小食，想也不用想，早聽說過這品牌和想吃其茶麵，咁有緣份，於是，進去了。 我簡單的點了紅燒牛肉麵，這大約係最經典的台北菜吧。點了不用十分鐘便有得吃，服務快而準。 紅燒牛肉麵有強大的蔬菜作底，湯底清純，不太過濃，有一股香氣。 牛肉大件而且紅燒手法炆得強大，好淋而牛味濃。 茶麵的煙韌口感就幾特別，只不過茶味沒有濃到一吃難忘那種。 但我都幾喜歡這簡單的午餐，很適合女孩減肥食，紅燒牛肉麵好少咁清新。 我們還有個靚女特別嘉賓a小姐，於是點了幾個點心。 鹽酥雞基本上係無弱點，同係台北夜市食，完全無分別，又熱又脆。 我又好喜歡花枝丸，整粒都是滿滿的香和花枝味。 本身想飲凍飲，但天氣有點冷，叫了杯阿里山綠茶，酒香濃，味道秀麗貴氣。 選擇非常多，而且食物質素價錢，每樣都非常好，雖然品牌並不是最有名氣，冇寬巷子咁出名，但也值得一去。 翰林茶館 尖沙咀廣東道3-27號海港城港威商場2樓2602號舖