Video
Read full review
2015-05-14
734 views
有一個男性朋友，佢無雞不歡，每日都要食雞，就算一日三餐都食雞，佢都無問題，所以要同佢食飯我都會搵靚雞店(會提供雞做佳餚既店鋪)search左好耐，我最後決定去奇樂香辣雞煲。因為佢地用既雞係新鮮本地培養。包括「嘉美雞」、「粵皇雞」、「BB雞」。做出三款唔同口味既雞煲，雖然我唔食辣，但因為我中意重口味，所以我地最後叫左個用嘉美雞做既和味沙嘩雞$238 (半隻雞)侍應同我講左，會有d辣，但係我都係想試試佢。呢間餐廳除左散叫之外仲可以選擇2人餐(冇記錯好似500幾蚊)，但係因為2人餐既食物選擇比較小，而且又冇海鮮，所以我地都係散叫啦。先講個和味沙嘩雞($238)，佢既蒜味好香，小小辣，但係又唔會因為調味之遮掩左雞本身既鮮味，可能係因為餐廳用既係新鮮雞，所以雞味都特別濃香。仲要依嫁有雞煲半價優惠，計落百幾蚊，食到新鮮雞煲，真係好抵呀。羊肉片($82)︰唔會好膻，但係肉好嫩又唔肥。黑松露帶子餃($108)，一份有6粒，每粒既份量都好大，大大粒咁，入面仲有鮮甜既帶子同埋香濃既黑松露，真係好正呀。手制既餃，果然係唔同d。雙拼手打丸(蝦丸，墨丸) ($108)，手打既丸類，特別既彈牙，又爽口。我自己就比
因為佢地用既雞係新鮮本地培養。包括「嘉美雞」、「粵皇雞」、「BB雞」。做出三款唔同口味既雞煲，雖然我唔食辣，但因為我中意重口味，所以我地最後叫左個用嘉美雞做既和味沙嘩雞$238 (半隻雞)侍應同我講左，會有d辣，但係我都係想試試佢。呢間餐廳除左散叫之外仲可以選擇2人餐(冇記錯好似500幾蚊)，但係因為2人餐既食物選擇比較小，而且又冇海鮮，所以我地都係散叫啦。
先講個和味沙嘩雞($238)，佢既蒜味好香，小小辣，但係又唔會因為調味之遮掩左雞本身既鮮味，可能係因為餐廳用既係新鮮雞，所以雞味都特別濃香。仲要依嫁有雞煲半價優惠，計落百幾蚊，食到新鮮雞煲，真係好抵呀。
羊肉片($82)︰唔會好膻，但係肉好嫩又唔肥。
黑松露帶子餃($108)，一份有6粒，每粒既份量都好大，大大粒咁，入面仲有鮮甜既帶子同埋香濃既黑松露，真係好正呀。手制既餃，果然係唔同d。
雙拼手打丸(蝦丸，墨丸) ($108)，手打既丸類，特別既彈牙，又爽口。我自己就比較中意食墨丸，白雪雪，又香墨魚味，仲咬到墨魚粒粒。白鱔片($88)︰平時食開係圓圓既，中間有骨，呢到係好細心咁去左骨，一條肉，好鮮，好彈牙，仲可以大啖食，唔怕有骨。
桂花蚌($98)︰好爽口既桂花蚌，滾完之後係滑滑既一條，不過鮮甜無比。西洋菜($38)︰食左咁多肉點都耍食返D菜，西洋菜拎黎煲湯我就飲得多，用黎打邊爐我就未試過，但朋友想食，一試之下發現，原來都幾正。
鮮腐竹($38)，好香濃既豆味
即炸響鈴($68)︰好香脆，可以就咁食，不過我都係比較中意沾左湯先食，響鈴係食雞煲同打邊爐唔可以少既野。
呢間餐廳位置都好方便，侍應好有禮貌，又好細心，坐得又舒服。食材又新鮮，正!!!
Other Info. :
雞煲半價優惠，係要符合指定條件
(The above review is the personal opinion of a user which does not represent OpenRice's point of view.)
Post
