Video
Read full review
2020-12-26
194 views
今日生日，夜晚冇堂食，老公就諗住同我拍下拖，食返個 lunch 咁～行過見到佢新開，個Pizza 勁吸引就即刻去try try佢先12：45pm 見到都係得幾枱人，咁就即刻坐低叫嘢食，叫咗個芝士Pizza同埋甜辣炸雞.....等..等..等..等咗40分鐘..人越嚟越多...點解都仲未有嘢食...我老公就問經理，佢話幫我哋睇睇，大約5分鐘後，炸雞來了～ 嘩外脆內軟好Juicy呀！轉個頭就已經比我哋KO哂（唔知關唔關等得耐肚仔餓呢）……又等咗一陣...點解個pizza 仲未嚟嘅大大話話加埋都已經成個鐘.....唯有又問下啲職員啦！....個女侍應話佢去睇下...見佢行埋去出菜位置，再行返出嚟時居然唔係回覆我，而係走咗去做其他嘢嘅...之後有位男職員過嚟同我哋講...“唔好意思！個 pizza 仲要等多陣，因為好多人！”我就話...“我落單到而家都超過一個鐘，入嚟嗰陣都唔算多人...咁大約要等幾耐左右呢？”......佢居然答我...要再等多半小時😱問佢係咪漏單又唔認，仲話因為人多我老公終於忍唔住話，之前炸雞都成40分鐘，你哋冇review一下張單嗎？....而家再等，即係前後要等1.5小
行過見到佢新開，個Pizza 勁吸引就即刻去try try佢先
12：45pm 見到都係得幾枱人，咁就即刻坐低叫嘢食，叫咗個芝士Pizza同埋甜辣炸雞.....等..等..等..等咗40分鐘..人越嚟越多...點解都仲未有嘢食...我老公就問經理，佢話幫我哋睇睇，大約5分鐘後，炸雞來了～
嘩外脆內軟好Juicy呀！轉個頭就已經比我哋KO哂（唔知關唔關等得耐肚仔餓呢）……又等咗一陣...點解個pizza 仲未嚟嘅大大話話加埋都已經成個鐘.....
唯有又問下啲職員啦！....
個女侍應話佢去睇下...見佢行埋去出菜位置，再行返出嚟時居然唔係回覆我，而係走咗去做其他嘢嘅...
之後有位男職員過嚟同我哋講...“唔好意思！個 pizza 仲要等多陣，因為好多人！”
我就話...“我落單到而家都超過一個鐘，入嚟嗰陣都唔算多人...咁大約要等幾耐左右呢？”
......佢居然答我...要再等多半小時😱
問佢係咪漏單又唔認，仲話因為人多
我老公終於忍唔住話，之前炸雞都成40分鐘，你哋冇review一下張單嗎？....而家再等，即係前後要等1.5小時先食到個pizza....
漏單就漏單...為何唔認？！
今餐真係食到一肚子火好食都冇用
Anyway...最後我同老公坐咗個幾鐘...只食咗每人3件炸雞😢
如果有得選擇，真係連加1服務費都唔想比佢收....
真係多謝比咗個咁難忘嘅生日lunch我😭😫
Post