euro go go

Open Now

Now Closed

今日係五月三日佛誕，好開心今日可以同老婆🐷一齊過左成日，睇完志明與春嬌之後見有少少肚餓，所以一齊返左黃大仙間euro gogo 食d 野先。其實之前我對euro gogo 既印象麻麻，因為記得曾經食過沙田果間euro ,都幾難食下，不過今次老婆🐷令我對eurogogo 改觀。睇menu 果時，老婆🐷又就哂我問我想食d 咩，我覺得老婆🐷最錫我最就我就係呢點，每次都會留意d 野食岩唔岩我口味。雖然我唔係太食得辣，但係都要左個香辣雞翼同埋個意粉。個雞翼辣辣地，其實幾惹味，d 汁又好味，d 雞翼又嫩滑。氣味又香又辣，我唔係太食得辣，但係聞到都已經開胃。食起上黎仲滋味，不過我食雞翼果時冇老婆🐷食得咁乾淨，哂左好多肉。呢道雞翼真係幾好味。連我老婆🐷都讚。之後就到呢個意粉，又係少少辣，不過d 意粉既軟硬度適中，食起上黎都幾好口感，而且又唔會太粉太乾，味道都唔錯，只係唔夠特別。不過見老婆🐷食得咁開心，我都覺得好味。雖然連續五日假期，老婆🐷最後一日先有時間陪我，不過老婆🐷做野忙，辛苦，我明白，我知道架，好多謝你肯花時間陪我，好感謝生命中可以遇到你。