好時沙嗲

Open Now

Now Closed

晚市終於開返，點樣慶祝呢？當然係做唔晒啲嘢留喺公司OT啦。冇計，要怪就怪自己平日喺度hea唔做嘢。既然要留喺公司，就揾咗間近公司嘅餐廳快啲食完繼續做嘢，所以就去咗好時中心嘅「好時沙嗲」，又近公司又平嘢食又嚟得快。入去坐低都唔駛睇餐牌，大部分人嚟呢度都係食佢個海南雞飯，我亦唔係例外，可以加多10蚊轉雞脾，但係我冇轉到。雞肉去咗骨，肉都幾滑，最鍾意佢個油飯，又大碗又夠油，對我呢啲鍾意食重口味嘅人簡直係極品。總結一下，55蚊咁大碗飯咁多雞肉，仲要非常啱我口味，扺食。