Video
Read full review
2010-03-16
13 views
星期天的下午，又來到旺角開飯。經過越興園，店外的阿姐猛落嘴頭招倈路過的行人光顧，見這間已在這區開業多年的老店實在很久沒有幫襯過了，就去吃一餐吧！一坐下，環顧四周，只見這裡的陳設實在是五十年不變，還是從前那個老模樣。不過無所謂啦，來這裡開餐又不是吃情調，最緊要都是好吃而已。看看餐牌，皇牌午市套餐推介竟有9款之多，只售$32，冷熱飲品和個別特飲如橙什和檸什等還不用加錢，真可算得上是價錢相宜呢！與太座一人一個午市套餐，一個係「波爾多香酥雞球蟹柳奄列炒飯（配香橙雞尾酒汁）」（個名簡直係水蛇春咁長，都算係巧立名目嘅經典啦），一個就係「招牌香茅豬扒蟹柳蛋飯」。飲品就叫左橙什、檸什各一（橫豎不用加錢嘛）太座個豬扒飯味道都過得去，係香茅變左蔥油呢樣怪左dd啫。至於我個炒飯呢？哈，味道又唔錯喎，個炒飯份量都幾多，也算夠熱，炒過的飯當然比普通白飯來得好味啦。奄列味道也不俗，除左有蟹柳同蛋之外，原來仲有扎肉在裡面，係意外收穫來。D香酥雞份量不少，質素算係一般啦，點埋d香橙雞尾酒汁（咪即係橙汁）吃，都幾開胃嘅。唔睇餐牌真係唔知d雞係法國波爾多來嘅添。橙汁炸雞加橙汁，簡直係絕配，今餐吸收的維他命C都算多啦！$3
一坐下，環顧四周，只見這裡的陳設實在是五十年不變，還是從前那個老模樣。不過無所謂啦，來這裡開餐又不是吃情調，最緊要都是好吃而已。看看餐牌，皇牌午市套餐推介竟有9款之多，只售$32，冷熱飲品和個別特飲如橙什和檸什等還不用加錢，真可算得上是價錢相宜呢！
與太座一人一個午市套餐，一個係「波爾多香酥雞球蟹柳奄列炒飯（配香橙雞尾酒汁）」（個名簡直係水蛇春咁長，都算係巧立名目嘅經典啦），一個就係「招牌香茅豬扒蟹柳蛋飯」。飲品就叫左橙什、檸什各一（橫豎不用加錢嘛）
太座個豬扒飯味道都過得去，係香茅變左蔥油呢樣怪左dd啫。
至於我個炒飯呢？哈，味道又唔錯喎，個炒飯份量都幾多，也算夠熱，炒過的飯當然比普通白飯來得好味啦。奄列味道也不俗，除左有蟹柳同蛋之外，原來仲有扎肉在裡面，係意外收穫來。D香酥雞份量不少，質素算係一般啦，點埋d香橙雞尾酒汁（咪即係橙汁）吃，都幾開胃嘅。唔睇餐牌真係唔知d雞係法國波爾多來嘅添。
橙汁炸雞加橙汁，簡直係絕配，今餐吸收的維他命C都算多啦！$32一位，都好抵食啫！
可惜呢度有一樣嘢真係非常唔好，就係服務嘞。
首先，嗰日去到，明明其他坐卡位的人都係打對面坐的，但係個伙計竟然叫我同太座坐埋一邊。唔緊要啦，如果多人，唔都係無可厚非嘅。誰不知我地兩個食到埋單，對面都未有任何人坐過，由頭到尾都係「吉」嘅，既然係咁，就唔好晨早叫人坐埋一邊啦！
第二，到左埋單俾錢，收銀位女士話要九十幾蚊，我當然知道係佢搞錯啦，同佢講話唔係，佢竟然面露神色，好似係我地搞錯咁，我地叫佢check清楚，佢先知係拿錯另外一枱嘅單，但係佢由始至終連sorry都無講一聲，咁就真係唔係好掂啦！
一句到尾，在旺角區，如果只係搵個抵食同味道唔錯嘅地方食飯，呢度係合格嘅，但係一計埋服務，呢度就有排改善啦！旺角咁多好嘢食，如果佢d服務唔改好d，點同其他食店爭呀！
Post
