茜廊餐廳 (良景廣場) (Closed)

✨老牌餐廳 變得平民化✨去親九龍灣都會見到佢，一直都覺得佢都覺得佢係中上價錢，而且茶式無咩大變化，無咩吸引到我去食今次屋企附近新開左，就黎試試佢啦！~~~~~~~~~~~~~~~~~~~~~~🔷英式街頭炸魚配七味薯條 （$75）賣相幾吸引，魚炸得好似幾乾身。點知⋯⋯中間食落炸漿係有D淋身，但都側邊位係有脆嘅。而味道上，有D淡味，個沙律醬相對出現，將原本淡味嘅魚柳變得好味，我地將成個醬完全清乾淨，一滴不剩薯條係個種港式粗薯條，又炸到脆脆整體上係唔錯的🔷香草燒原隻春雞拼薯餅 （$108）燒春雞size並唔細，都幾大隻而味道適中，唔會偏鹹，春雞上整體偏乾，雞胸位尤其明顯。而配菜有好多烚雜菜，令食起來唔會覺得有乾啃嘅感覺，同埋拼小薯餅一齊食都幾得意。而配的燒汁都係好唔錯，我幾鍾意佢將所有汁分開上，咁樣唔會整到D野食未上枱已經淋晒！🔷脆炸馬介休球 （＋$48）整個晚餐我最欣賞是呢個小食，外層香脆，裡面的馬介休（鹽漬鱈魚）分量很足，內裏軟綿還透有一點魚香味，食到一絲絲的魚蓉，薯蓉不會太多。整馬介休球比較繁複，所以出面要整得好食都有一定難度。大家可以一試！整體上，我覺得價錢上變得親民，相對平民化了。