老鍋台式火鍋 (京都廣場) (Closed)

餐廳：老鍋台式火鍋地點：銅鑼灣駱克道京都廣場菜式：台式火鍋餐牌：午市二人套餐，價錢$299。包精選湯底四款選一，肉類三選一，丸餃拼盤，五彩鮮蔬盤，同米線或者白飯。落單用二維碼。膠原蛋白美人鍋老鍋精選湯底有我至愛既美人鍋，另外都有麻辣鍋，養生鍋同酸菜白肉鍋。膠原蛋白美人鍋材料有原隻烏雞一開二，桃膠，藥材有杞子，南棗，淮山，黨參，龍眼肉，北棋等，蔬菜有冬菇，粟米同香蔥。飲啖湯先，有淡淡金華火腿味，鹹香十足，好夠味。淥到尾野食都夠味。烏雞都好多肉食。桃膠煲到淋嗮，好滑溜。只係食個湯底都好多料。美國梅花豬肉 肉類可選肥牛，豬肉或者雞肉。美國梅花豬肉捲得靚靚上枱，一客10片，伴有一條沙律菜。淥完聞到都有豬肉香。豬肉切得夠厚身，質感好好，又唔會太肥。豬味濃，又有少少彈牙，好好食。丸餃拼盤丸餃拼盤有（左起）香菇貢丸，蛋餃，魚皮餃同墨魚丸各兩粒。魚皮餃好好滑又肥美，油香四溢。香菇貢丸同墨魚丸彈牙，味道天然多汁。五彩鮮蔬盤（細）五彩鮮蔬盤有生菜，油墨菜，娃娃菜，金菇，同冬菇。冬菇又滑又香。米線跟餐可以選飯或者米線，打邊爐一定要揀米線啦。米線幼身，夠淋。自助調料吧有辣椒，莞茜，蔥，豉油，炸蒜，香醋，沙茶醬