鳴橋燒肉料理 (Closed)

今日考完試，決定食餐好！瘋狂到同朋友晏晝食烤肉放題😂呢個放題其實除咗肉，仲有日式刺身、海鮮、小食。價錢係午市嚟講都唔算平，不過見平時嘅lunch set都幾多人推介，咁就試一試啦～我同朋友都唔係好刷得，所以每樣都只係叫咗少少🙆🏻首先係日式刺身，三文魚同甜蝦係我地最愛😁三文魚唔係切得好厚，食落仍然有口感，但油脂嘅感覺就無咁香濃。甜蝦好新鮮，幾爽口，食完又再叫過😋👍🏻另外北寄貝、帶子個啲都唔錯，可以一試。烤肉方面，好多選擇，但唔同嘅醃料分別唔大，可能未夠入味。呢到有台灣腸，雖然唔係啲咩貴野，但好食😆豬牛雞雖然係急凍，但食落唔會好重雪味！肉質唔錯，個人覺得雞同牛好食啲😋雞翼切開好方便食！牛柳粒好juicy，不停encore👍🏻仲有海鮮，蝦好大隻，好爽口～帶子同青口都ok，但就無咩味😣待應知到我地淨係飲柚子蜜，直接比咗一壺我地👍🏻👍🏻雪糕都好味，幾滑。