茶木‧台式休閒餐廳 (MegaBox) (Closed)

9月28日星期3晚經過去德福分店，之前裝修完未試過，就入去試下。一家三口叫了二人餐，鹵水拼盤，鹽酥豬排，帶子手攪麵，每樣都中規中舉，味道合格有餘。不過全晚重點係，樓面operation 極唔掂，一入去未執枱就叫客入去座，帶位見狀叫客出返去門口等，之後發現有幾枱walkin客也是如此。樓面溝通極不足，經理坐視不理。樓面多後生侍應，生手，見佢捧幾杯野差啲倒瀉，險象橫生。舉手叫人攞幾隻碗，又係叫幾次先攞到。（利申：本身非心急，但耐心等了好幾分鐘，該侍應太忘，又或者佢multitasking 唔到😅）電子落單，理應出錯機會少，但送錯嘢俾客，問侍應好似一頭霧水咁。食野後上甜品叫侍應叫起，等了30分鐘追了3次，3個唔同侍應追先起，但件窩夫明明擺晒喺門口玻璃櫃，又唔使加工，食落唔熱又唔脆。夫人食到黑晒面😈唔該收得呢個價，又加一服務費，俾啲好服務客人啦，唔係裝修完求求其就得嘅。