東京食堂 (Closed)

東京食堂係朋友極力推介既小店，佢既位置係大廈既天井位，比較難搵。不過唔好睇佢舖位細細，估唔到平時唔多鐘意食鰻魚飯既我，竟然會愛上呢間小店既鰻魚飯。佢地既鰻魚定食，份量適中，唔會話太多飯，並冇食到最後冇餸撈飯既情況出現。首先要講講片鰻魚，佢既骨唔多，好容易食，而肉質都好鮮美，配合埋鰻魚汁，令到成個菜式既味道生色不少。係鰻魚旁邊有粟米粒做配菜，撈埋鰻魚汁一齊食，真係開胃到可以食多碗飯。定食仲有凍豆腐同埋麵豉湯，個豆腐有麻醬調味，味道唔會太淡，麵豉湯就比起其他餐廳稍為冇咁重口味，所以唔會掩蓋左主角鰻魚既味道。另外我地仲叫左餃子雞翼，同埋燒牛舌，兩樣小食都好足料，味道口感都屬一流。我覺得難得仲有小店咁用心做飲食，而且又咁好味，所以點都要支持下。